سيد ظفر علي شاهه
سيد ظفر علي شاهه
سيد ظفر علي شاهه: نامور سياستدان ۽ نوشهري فيروز جي علمي ادبي خاندان سان واسطو رکندڙ سيد ظفر علي شاهه جو اصل نالو سيد الهندو شاهه آهي. سندس جنم 20 نومبر 1932ع تي ڊڀري/ درٻيلي، ضلعي نوشهري فيروز ۾ ٿيو. سندس ڏاڏو الهندو شاهه پنهنجي وقت ۾ سنڌ جي اهم علمي ۽ سياسي شخصيت هو. سيد ظفر علي شاهه ايم. اي ۽ ايل. ايل. بي آهي. هي شاگرديءَ واري زماني کان سياست ۾ سرگرم ٿيو. سائين جي. ايم. سيد ۽ قومپرست تحريڪ سان سندس گهري ويجهڙائي رهي. اڳتي هلي پارلياماني سياست ڪيائين، تڏهن به سندس خانداني لاڳاپا جي. ايم. سيد سان برقرار رهيا. هن پهرين چونڊ 1962ع ۾ وڙهي، جنهن ۾ ڪامياب ٿي صوبائي اسيمبليءَ جو ميمبر ٿيو. 1970ع ۾ به صوبائي اسيمبلي جي چونڊ کٽيائين، ان وقت جڏهن سنڌي ٻوليءَ جي بل پاس ٿيڻ کان پوءِ اردودان طبقي گوڙ ڪيا، ته هن موري ۽ ڪراچيءَ ۾ ’سنڌي زبان‘ ڪنوينشن ۽ سنڌي ٻوليءَ جي حق ۾ زوردار تقريرون ڪيون. ان کان پوءِ مسلسل 88-1985ع، 93-1990ع، 2002ع، 2008ع وارين چونڊن ۾ قومي اسيمبليءَ جي چونڊن ۾ ڪاميابي ماڻيندو رهيو آهي. ظفر علي شاهه 1962ع ۾ سنڌ اسيمبلي ميمبر رهڻ دوران سنڌ اسيمبليءَ جو ڊپٽي اسپيڪر ٿيو، 1984ع ڌاري خوراڪ، ٻيلن، چوپائي مال، ماهگيريءَ جو صوبائي وزير به رهيو. 1985ع ۾ صنعتن، خوراڪ، زراعت ۽ چوپائي مال جي وفاقي وزارت جو قلمدان وٽس رهيو، 1989ع ۾ بجلي ۽ پاڻيءَ جو وفاقي وزير رهيو، 1993ع دوران قومي اسيمبليءَ جو ڊپٽي اسپيڪر رهيو، 2008ع ۾ قومي اسيمبلي جي قائمه ڪميٽيءَ جو ميمبر رهيو. سيد ظفر علي شاهه، سعودي عرب، سوڊان، آمريڪا، جپان، سوئٽزرلينڊ، برطانيه، جرمني، اٽلي سميت ٻين ڪيترن ملڪن جا سرڪاري ۽ غير سرڪاري دورا پڻ ڪري چڪو آهي. هيءُ پنهنجي اصولي سياست سبب مشهور آهي. ڪجهه عرصو اڳ پيپلز پارٽي ڇڏي مسلم ليگ (ن) ۾ شامل ٿيو آهي ۽ 2013ع وارين چونڊن ۾ کٽي نه سگهيو.
لفظ سيد ظفر علي شاههھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1932.11.20 عيسوي
نامور سياستدان ۽ نوشهري فيروز جي علمي ادبي خاندان سان واسطو رکندڙ سيد ظفر علي شاهه جو اصل نالو سيد الهندو شاهه آهي. سندس جنم 20 نومبر 1932ع تي ڊڀري/ درٻيلي، ضلعي نوشهري فيروز ۾ ٿيو.
شخصيتون - ڀاڱي جون ٻِيون داخلائون
جيلاني حناچانڊيو رئوف
ابو دائود امام
آدم شاهه ڪلهوڙو
ضياء الحق جنرل
خليفو غلام قادر
ٽلو خان سپهه سالار
عزيز جعفراڻي
چارڻ نظير احمد ڊاڪٽر
ارنيسٽ ٽرمپ